Oscar

Medyo matanda na ako sa Gregorian Calendar pero hindi pa din ako marunong maggupit ng tuwid. Mapa-papel, tela o anumang ipagupit sa akin ng tuwid, lagi akong pumapalya.

Ewan ko, wala yata akong sense ng diretsong linya. Kaya kung may gugupitin ako, nakaka-ilang ulit ako hanggang magmukhang mala-diretso na kahit alam ko namang hindi.

Halimbawa, may gugupitin akong papel. Yung tipong dapat nasa box kunwari yung text. Walang guhit, ikaw dapat ang magse-set ng box na gugupitin mo. Madalas, lumiliit ng lumiliit yung box hanggang sa masagad ko na yung gupit malapit sa mga letra para lang magmukhang tuwid.

Makagamit na nga ng ruler.

—–

Sadyang madaldal pa din si ateng daldalera sa PBB house.

More plastic more fun siya. Di bale, palais na din kami dito.

—–

Nanaginip yung kapatid ko. Meron daw babaeng nagiging demonyo kapag umiinom siya ng kape.

Eh yung babae mahilig daw sa kape, so mas nagiging demonyo siya.  

Kinuha daw siya ng demonyo. Tinawanan ko lang daw siya.

—–

Nagising ako kaninang mga alas tres ng madaling araw, Linggo. Nanaginip ako na naghuhugas ako ng sangkatutak na hugasin. Mga plato, tupperwares, kaserola, ganun. Then sabi nung kuya na katabi ko na kamukha ng katrabaho kong taga-ayos ng pichurs noon, “Wag kang mag-alala, sa ganyan din ako nagsimula noon. Makakaalis ka din diyan.”

—–

Nagluluto ng ulam ang tatay sa baba habang palabas sa National Geographic yung paglamon ng araw sa solar system balang araw.

—–

Yung lilipatan naming apartment malayong-malayo dito sa PBB house na fully furnished. Doon, puro mga MexiKano ang mga kapitbahay. Maliit yung lugar. Wag sanang gaanong maingay. Di pa din kami makalipat kasi nililinis pa ng may-ari yung lugar. Sobrang dumi daw sabi ng tatay. DI na din pwedeng mag back-out kasi nakabayad na ang tatay sa downpayment.

—–